Қазатомөнеркәсіпте IZBASAR бағдарламасы сәтті жүзеге асырылып жатыр

Бағдарламаның екінші легінің мамандары 2021 жылғы 25 қыркүйекте жұмысқа кіріскен болатын. Былтыр жарияланған байқауға 800-ден астам өтінім түсіп, солардың арасынан 8 үміткер іріктеп алынды.

«Ізбасар» бағдарламасы – «Қазатомөнеркәсіп» ҰАК» АҚ-ның жас мамандарды дамыту бағдарламасы. Ол 2020 жылы жоғары оқу орындарының үздік талантты түлектерін тарту және оларды кейіннен Қор компанияларында жұмысқа орналастыру үшін «Самұрық-Қазына» АҚ негізін қалаған «Жас Өркен» жобасы шеңберінде құрылды. Бағдарламаның мақсаты – жас мамандарды кәсіби тұрғыдан дамыту.

IZBASAR бағдарламасы:

• Жұмыс барысында оқыту. Бағдарлама «Қазатомөнеркәсіп» ҰАК» АҚ компаниялар тобында әрқайсысы 5 айдан 3 ротацияны қамтиды;
• Жеке-іскерлік және кәсіби құзыреттерді дамыту бойынша сарапшылар ротацияаралық оқытады;
• Атом саласының тәжірибелі басшылары мен үздік сарапшылары жеке тәлімгер болып жұмыс істейді;
• Ротация аясында ақы төленетін тағылымдамадан өту, бағдарлама барысында жол жүру және баспана ақысын төлеу мүмкіндігі;
• Бағдарламаны сәтті аяқтаған кезде жұмысқа орналасу.

2022 жылы үміткерлерді қабылдау сәуір айының соңында басталады.